{ مدري من العتبان ولا سهليه ولا تنادى باالقب شمريه ^^ }

{ مدري من العتبان ولا سهليه ولا تنادى باالقب شمريه ^^ }


مريت بالسوق التجاري عشيه 000 من عرض ناسٍ باوسط السوق ماشين
مامقصدي جلب الخنا والـرديه 000 ولا مقـــــــصدي بالسوق تباع غاويـن
لاشك كتبت يامحيسن علـــــيه 000 القصه اللي خلت القلب قســـــــــمين
قصة غرام وجاتني مجبـــــريه 000 وامسيت منها كنني عام تســـــــــعين
باسباب خمـــسٍ صادفني سويه 000 عيونهن تشدي عيون الشـــــــــياهين
الاوله في خــدها جاذبـــــــــيه 000 مربوعتن مصيونتن كاملت زيــــــــن
والثانيه في ليلة خرمســـــــــيه 000 تعطيك من نور البها نور تــــــــأمين
والثالثه مابالعذارى حلـــــــــيه 000 سنه صغير ومابعد تم عشـــــــــــرين
والرابعه ريم الــصحاري سميه 000 العنق عنقه والنحر فيه نـــــــــــهدين
والخامسه ماعندها مرحــــــميه 000 الموت له منزال بين الحــــــــجاجين
ترسل صواريخ العطب والـمنيه 000 من نظرتٍ تنظربها فيك بالــــــــعين
هاذيك راعية الســـــــلوم العذيه 000 تشدي لنجم سهيل فوق الـــــــمزايين
هاذيك راعية الســــــهوم القويه 000 اللي رمت في لاجي الروح رمحــين
ياحيف والله كيف ضاعت علـيه 000في عرض سوقٍ جامعٍ له ملايــــــين
مدري من العتبان ولا سهـــــليه 000 ولا من المطران ولا القحـــــــاطين
ولا تعود بالاصـــــــــــل خالديه 000 ولا من السبـــعان ولا الشهـــــارين
ولا من العجمان ولا هـــــــذليه 000 ولا لها في حرب بالصـــــيت تدوين
ولا تنادى بالـلـــــــــــقب شمريه 000 ولا غناتي تنتـــــمي للزهــــــــارين
ولا من الاشراف ولا عنــــــزيه 000 ولا قبيلت صاحبي وينــــــــهي وين
تكفون ياللي تذخرون الحمـــــيه 000 الكل ينشد فالقبايل عن الــــــــــزين
يجيب لي منه الخبر في شــــويه 000 ينقض حياة موتها صار موتـــــــين
باسباب من خلت ضلوعي خــليه 000 تلت معاليق الضــــماير بكـــــــفين

منقول